Retreat完返黎喇~~~~ 東莞兩日一夜staff retreat之旅 第一日 晨咁早食完早餐就出發去尖咀集口喇~~~但係去到搵左陣先搵到囉~~~ 之後上到車先發現自己原來係最尾果個囉~~~~~我只不過係搵點名地搞到遲左幾分鐘之嘛~~~ 之後就坐巴士搭到去深圳灣口岸過關再轉車喇~~~~ 上到大陸D路一D都唔平囉~~~~坐過山車咁~~~~~高速公路都係咁~~~~仲要塞車囉~~咩事呀~~ 塞車塞到去唔到睇其中一個景點而去食lunch囉~~回水呀~~ 去到酒店食完個lunch之後P路線嘅人就開會我地呢d E路線嘅就去玩遊戲囉~~ 全程都係係度睇戲食花生多囉~~~突然間做左花生友~~~ d遊戲好明顯唔啱我呢個新人啦~~~估d改左嘅staff相我都唔識嘅~~~返得果一個禮拜多d鬼知咩~~~ 到其他要集體行動嘅我呢d細嘅就梗係聽d大粒嘅話啦~~ 玩哂遊戲之後就返住果間酒店自由活動喇~~但係唔明點解要分兩間酒店囉~~~ 搭車同食飯全日都跟住2樓同4樓嘅同事~~~返到去自由活動都無同自己果Team人去玩囉~~~去左飲野~~~聽完先覺得自己果度原來咁好~~~當然無同佢地講我有幾free啦~~~ 吹完水就去左人地間房玩UNO~~~為免玩到咁夜嘈醒room mate所以玩到十二點幾就返房喇~~~ 第二日 同平時返工一樣七點就起身喇~~~整好哂執好哂野個morning call都未到~~~~都係啦~~為免同room mate爭toilet所以我先早起身啫~~~ 八點morning call等埋room mate八點半就落到去食早餐喇~~~room mate揀位都唔知有心定無意~~~隔離張枱就係校長Prof Cheng同前校長Prof Young呢~~~之後仲加個CIDP嘅阿Head Dr Chan~~~~再黎個我頂頭大老細同枱~~~~食個早餐都咁大壓力~~~~真係呢~~~~ 我呢d小人物唔慣出現係咁多高層嘅面前囉~~~~ 早餐之後就去成個retreat嘅第一個景點喇(原本係第二個)~~~~咁大個花園嘅物體梗係坐車睇啦~~~~加上麻麻地想同陽光玩遊戲~~~~但係坐車都係有太陽曬囉~~~咩事呀~~~ 兜完個圈睇埋個show就又搭車去食lunch喇~~~~日日食嘅野都差唔多囉~~~除左第一日lunch我無影到之外其餘食左乜我都有影囉~~~~不過唔駛錢都係唔好要求咁高喇~~~ 食完又搭車去另一景點臘腸廠喇~~~~真係睇到O哂咀~~~呢個參觀只不過係間廠出面隻窗望入去囉~~~完全搵哂笨~~~回水呀~~~ 之後都要買少少交下貨啦~~~~之後又搭番車去深圳灣口岸喇~~~~ 又塞車囉~~~最尾果架車去到~~其他人都走哂lu~~~ 總括黎講搭車嘅時間最多囉~~~~但係呢兩日一夜同2樓4樓嘅同事熟左~~~~仲聽到唔少野~~~得閒果陣總算搵到人吹下水~~~~ 全程嘅相都放哂係面書度架喇~~~但係真係無咩特別野好影~~~同埋都無乜點同同事影相~~就算有都唔係我部機度~~~~所以應該都會陸續加番相嘅~~~ 係CIDP記得我嘅人總算係呢兩日知道我入左黎喇~~~~ 打住咁多先啦~~好鬼長~~~ | 
